Akxni' laa stlan taakgapukinit akgapun katsisni' chu niituwi papa', tlaan naukxilhaw lhuuwa stáku'. Wa uyma stáku' xtachunakan kinchichinikan, wi nima tlakglaktlanka chu nawi nima tlakglaktsu, chaa paks lakxtuma wa lilakatsukukgonit xapuklhni gas chu pókgxni.
Wa uyma pókgxni chu gas tsinu tsinu tsukukgoy tamakxtumikgo, maktsu maktsu tsukukgo stakkgoy asta luulaktlanka kiiwankgo chu wa tuku anán kxpuitat luulitliwekge laalakxkitikgoy chu lipekwa chichinkgo chu namanchu lay wa tuku limapakuwikan fusiones nukleares (katipatum talakgxtumit). Wa hidrógeno kgasiya talakgxtumi xpalakata tlakgniitsinka chu tlakg'anan kxlikatlanka akgapun; katna nayma lakatsukuy xtalajkaxtlaw átomos nima tsinu tsinu tsinkantilhakgoy chu, namanchu, tsuku makgskgoy ma stáku'.
Akxni' laa nikgoy stáku', lakgpankgoy chu lhuwa átomos nima takaxtlawakgonit kxpulakni taakgawaniy kxlikatlanka akgapun, chunanchu nayma makgmalakatsukipalay tanu stáku.
Wa átomos nima litakaxtlawakgonit tanu stáku' wa makilhtsukikgolh kinkatuxawatkan (wanikan Tierra) chu paks tu anan, nayachu kin. Wampi niix'analh stáku', wix chu kit nii'unu xlaa'kgalaskiw ¿lantla lakatsukukgoy stáku'?